SENDEIRISMO COLEXIO ATLÁNTIDA: ROCHAS

martes, 15 de marzo de 2011

AS ROCHAS EN GALICIA

PENEDOS GRANÍTICOS DE FARO BUDIÑO

O CICLO DAS ROCHAS :

Fai clic na imaxe para poder lela con claridade.

1.- AS ROCHAS MAGMÁTICAS:

Están presentes na zona occidental (Oeste) de Galicia. Explótanse en numerosas canteiras. Existen moitas variedades; é de salientar a explotación de granito rosa de Porriño, que se exporta en grande cantidades.

Granito : rocha magmática.

2.- AS ROCHAS METAMÓRFICAS: Lousas, Xistos e Gneis.

As LOUSAS (castelán: pizarras) : Están moi presentes na zona da Galicia oriental (Leste), nas provincias de Ourense e Lugo.
Os XISTOS (castelán : esquistos) : sitúanse na parte central de Galicia.
O GNEIS, "OLLO DE SAPO" : hai numerosos afloramentos sobre todo na metade occidental de Galicia. Unha variedade do gneis e o chamado OLLO DE SAPO, que ten grandes inclusións de feldespato ortosa e esténdese por unha estreita franxa que vai de norte a sur (dende Viveiro a Viana do Bolo).

No seguinte mapa podes ver a distribución destas rochas en Galicia:
(Amplíalo facendo clic nel para velo mellor)

Distribución das rochas en Galicia

Lousa (pizarra), Xisto (esquisto) e Gneis

3.- AS ROCHAS SEDIMENTARIAS:

Existe unha gran variedade de rochas sedimentarias en Galicia: conglomerados, pedras de gra, e arxilas que soen ser empregadas para obtención de áridos, vidro e fabricación de cerámica respectivamente.

Hai tamén rochas calcarias (caliza) pero en menor proporción. Tamén hai rochas sedimentarias de orixe orgánica (animal ou vexetal) como o lignito, a turba (abondoso nas brañas ou turbeiras)

Conglomerado, pedra de gra e arxila

AS VIVENDAS :

A construcción das vivendas está estreitamente relacionada coa abundancia, no lugar onde se constrúan, dalgunha destas rochas .

As vivendas da nosa zona están construídas con granito o mesmo que os hórreos porque esta é a rocha máis abondosa nesta zona occidental. Os tellados soen ser de tella do país que tradicional facían os telleiros ou cabaqueiros como os famosos da zona de O Rosal.